≡ Рысгүл Рамазанова | 03-11-2014 13:29

Ұйымның сайты өздерінің ресурсы арқылы тұтынушы тартуға оған толыққанды ақпарат беру үшін емес, жәй "бар болса болды" деу үшін жасалған деген сезім қалдырады. Сайттың қазақша немесе ағылшынша нұсқасы жоқ. Мұны тұтынушыны сыйламау, олармен жұмыс жасауға құлықтың жоқтығы деп түсінуге болады. Ресейдегі ірі компанияның өкілі бола тұра ақпаратқа толы болмауы өкінішті. Сайттың дизайнына қатысты айтар болсақ, брендтелген фон мен басты беттегі ашық көк пен қою көк түс үйлесім тауып тұрған жоқ. Тұтынушы ретінде балаларға арналған сайт па деп қалар едім.

≡ Nurzhol | 06-11-2014 14:34

Сайтты өмірінде бірінші рет жасаған адамның шедеврі сияқты әсер қалдырды. Контентті құя салып, ал хидер мен футерге қиналмас үшін, бірін фотошоппен, екіншісін бос қалдыра салған екен. Ақпарат ешқандай мақсатсыз, алгоритмсіз салына салған. Клиентке неден бастап беріп, немен аяқтау керегін ескермепті. Сайттағы түстер комбинациясы, біртекті CAPS-LOCK арқылы текст жариялауды адамды қойып, іздеу жүйелерінің роботтары да игнорға жіберу ықтималдығы жоғары екен. Бұлай болғанда, өз саласындағы бірнеше компания сайтын бірнеше рет шолып шығып, тым болмаса соларға ұқсас жасағанда, сайт қазіргіден әлдеқайда бірдеңе іліп аларлық күйі болар ма еді деген сұрақ туындап тұр.